wo subah ki Jot(i) aati hi hogi magar
sehar ko takati os ab jamaney chali hai,
suraj ko takati raat ab sahamaney lagi hai,
garm jhonkon ko takati saansein thamaney lagi hain,
titaliyon ko takatey phool bhi jhadaney chaley hain,
wo subah ki Jot(i) aati hi hogi magar
ghaton ko takati nadiya utarney lagi hain,
basant ko takati arhari udaas honey lagi ahi,
patjhad jaaney ko takatey pallav ab giraney chaley hain,
ambiya key manzaron ko chahakti koyal bhi thakaney lagi hai,
wo subah ki Jot(i) aati hi hogi magar
annapurna ko takatey bachhadey ab soney chaley hain,
yagyaahuti ko takati agni ab bujhaney chali hai,
gaurayiyon ko takata gehun ab phutaney laga hai,
pathik to takata rasta bhi ab soona ho chalaa hai,
wo subah ki Jot(i) aati hi hogi magar
sneha ko takata shishu ab bilakhaney lagaa hai,
sparsh ko takati chhuimui ab bujhaney lagi hai,
hawaaon mein bikhara saurabh ab bikharaney lagaa hai,
pal-pal key motiyon ko piroya rahul ab tootaney chalaa hai,
kahati hai Jot(i) wo subah ki
wo os bhi te merey intezar ke hi aansun hain,
wo raat ki chaadar bhi ab utaraney wali hai,
saanaein garm rakhaney ko angeethi mein taav aati hai,
titaloyon ko kya phool ki yaad nahi aati ahi,
kahati hai Jot(i) wo subah ki
ghaton ke bina nadiyon ka paani adhuraa,
arahri ke bina basant ka jhonka hai sunaa,
thahar ja, aye pallav! ki patjhad jata hai mua,
ambiya bhi pakati hai ki samay hua nahi puraa,
kahati hai Jot(i) wo subah ki
teenon lokon ko samet laaney gayi,aati hai annpurnaa,
kuchh der aur sulago ki ghrit bin yagya hai adhuraa,
aati hai gauraiya ki chhotey paron sey karanaa hai rasta puraa,
thaharo raston ki pathik ko karan hai tay tujhey puraa,
kahati hai Jot(i) wo subah ki
na rona merey laal ki subah ki saari laali laati hoon,
tujhey bhi, O chhuimui! apaney aanchal sey sahalaati hoon,
bikharana na, aye saurabh! ki disha tujhasey hi paati hoon,
tootanaa na Rahul! ki satrangi motiyan sang laati hoon,
kahati hai Jot(i) wo subah ki
ghadi beeti jaati hai ab andheron ki,
raat kaati itaney pahar jyon pus ki,
kuchh pal aur sah lo merey saath, ki
teri Jot(i) kiraney batorey aati hai daudi,
bharaney tujhey baahon mein,
rakhaney palakon ki chhahon main,
tujhako bhigaaney preet ki phuhaaron mein,
bas ab ek honey, aye Rahul! terey dhaagon mein,
bas ab ek honey, aye Rahul! terey dhaagon mein.
-Gulaal
